Къартлагъа

 

بِسْمِ اللّهِ الرَّحْمنِ الرَّحِيمِ

كهيعص *ذِكْرُ رَحْمَتِ رَبِّكَ عَبْدَهُ زَكَرِيَّا* اِذْْ نَادَى رَبَّهُ نِدَاءً خَفِيّاً *قَالَ رَبِّ اِنّىِ وَهَنَ الْعَظْمُ مِنّىِ وَاشْتَعَلَ الرَّاْسُ شَيْبًا وَلَمْ اَكُنْ بِدُعَائِكَ رَبِّ شَقِيّاً*

 

(Джыйырма алты умутдан алты умут джазылгъанды)

        Биринчи умут: Эй, джыллары джеткен сыйлы къарт къарнашларым бла къарт эгечлерим!

Мен да сизни кибик къартма. Къартлыгъымда анда- мында табханым умутла эм ол умутланы рахатлатхан нюрюне сизни да къошаргъа излегеним бла башымдан ёткен бирбир халланы джазарыкъма. Кёргеним джарыкълыкъ бла тюбегеним умут эшикле, ишексиз мени аз, джетмезлик эм онгсуз болумума кёре кёрюлгенди, ачылгъанды. Аллах айтса сизлени таза эм арию сагъышларыгъыз кёргеним джарыкълыкъланы джылтыратырыкъды; табханым умутланы андан да бек кючлю этерикди...

        Ма, ол умутланы, ол джарыкъланы кёзлеую, гара сууу иманды.

       

 

Экинчи умут: Къартлыкъгъа киргеним заман, бир кюн къач кёзюуюнде, экинди уахтысында, мийик бир тауда дуниягъа къарадым. Бирден бек ачы, мыдах эм бир джаны бла къарангылы бир хал манга келди. Кёрдюм: Мен къарт болдум, кюндюз да къарт болгъанды, джыл да къарт болгъанды, дунияда къарт болгъанды. Бу къартлыкъланы ичинде дуниядан айырылыу бла сюйгенлеримден байламлыкъны кесер заманы джууукълашханы ючюн, къартлыкъ мени къалтратды. Бирден, Аллахны рахматы аллай бир къызыу чыкъды; ол ачыулу бушуу бла айырылыуну, къаты бир тилек бла джарыкъ бир рахатлатхан нюрюне бурду. Хо, эй мени кибик къартла: Сыйлы Къуранда джюз джерде “Аррахманир Рахим” сыпаты бла кесини бизлеге кёргюз, танытхан эм джерни юсюнде хаманда джазыкъсыныуну излеген джанланы болушлугъуна рахматыны берген, эм джокъдан хар джылсайын джазны чексиз ашхылыкълары эм саугъалары бла толтургъан, рысхыгъа керексинген бизлеге джетдирген, эм къарыусузлукъ дараджасына кёре рахматыны кёбюрек кёргюзген Аллахыбызны рахматы бу къартлыгъыбызда эм уллу бир умут бла кючлю бир джарыкълыкъды. Бу рахматны табыу: “Иман бла Ол Рахманга байланыб эм фарызларыны къылыб Анга бойсунууду.”

       

 

Ючюнчю умут: ... Хо, 1350 джыл, хар джылсайын 350 миллион адамны патчахы; эм аланы джанларыны устазы; эм акъылларыны алими; эм джюреклерини сюйгени; эм хар кюнде “Эссебеб кел фаил” сыры бла бютюн ол юмметини ишлеген сууабларыны бир къатыны хайыр дефтерине къошулуб алгъан; эм бу дуниядагъаы Аллахны муратыны себеби болгъан; эм бютюн барлыкъны къыйметини ёскенини себеби болгъан ол Пайгъамбарыбыз (Алейхиссалату Уассалам), дуниягъа келгени минутда “Юмметим, Юмметим!” –дегени кибик, махшерде да, хар ким “Кесим, Кесим” дериклери заман, энтда “Юмметим, Юмметим!” деб, эм багъалы эм мийик кесини аямаусузлугъу, юммети ючюн джаныны- къаныны аямай, шапагъаты бла юмметини болушлукъ излегенине чабхан бир адамны кеткен дуниясына барабыз. Эм ол кюнню тёгерегинде чексиз асфия бла аулия джулдузлары бла джарыгъан, аллай бир дуниягъа кетебиз.

       

 

Тёртюнчю умут: ... Хо, эй мени кибик дуния бла байламлары кесилирге башлагъан сыйлы къартла! Бу дунияны эм аламат, эм мизамлы бир шахар, бир юй этиб джаратхан Аллах, болургъа боллукъмуду да; ол шахарда, ол юйде эм сыйлы къонакълары бла нёгерлери бла сёлешмесин, тюбешмесин. Бу юйню кеси билиб джаратхан эсе, джюрюте эсе; кеси излегени бла мизамгъа салгъан эсе, тюзеткен эсе; ишексиз да къалай “Эткен билир,” алай да: “Билген сёлешир.” Бу юйню, бу шахарны бизге арию бир къонакъ юй эм сатыу- алыу джер эткен эсе, ишексиз бизге къаршчы байламлыгъыны, эм бизден излемлерини кёргюзген бир дефтери, бир китабы болургъа керекди.

       

 

Ма, ол сейир дефтерни эм аламаты; хар джаны бла муджизели (сейирликли); эм хар минутда чырт болмаса джюз миллион тилде айланган, нюр чачыратхан; эм хар бир харифинде эм азы бла он сууаб бла он игилик, эм бир-бирде он минг, эм бир-бирде- Къадар кечесинде- бир харифни сууабы отуз минг сууабха чыкъгъаны, эм Джандет кёгети бла Барзах нюрюню берген, Къураны- Хакимди. Бу джаны бла аны бла эриширик аламда чырт бир китаб джокъду эм чырт бир киши кёргюзаллыкъ тюйюлдю. Къолубуздагъы Къуран, кёкле бла джерни Иеси- Аллахдан келген сёздю, буйругъуду, бир рахмат кёзлеуюдю. Анга джабыш... Хар ачыугъа дарман, хар зулмугъа джарыкъ, хар умутсузлукъгъа бир умут ичинде барды.

        Ма, бу ахырсыз байлыкъны ачхычы иманды эм бойсунууду, эм аны тынгылаб къабыл этиу бла окъууду.

       

 

Алтынчы умут: Хо, эй къартла! Рахим, Джаратханыбыз бар эсе; бизни ючюн тыш джер, киши джер джокъду. Ол бар эсе, бизни ючюн хар зат барды. Ол бар эсе, мелекледе да барды. Алай эсе, бу дуния бош тюйюлдю. Таула, тюзле Аллаху Тагъыланы къуллары бла толуду. Акъылы болгъан къулларындан башха Аллахны нюрю бла, хыйсабы бла ташы да тереги да бирер сюйюмлю нёгер джерине ётерле, кеси тиллеринде бизни бла сёлеше билирле. Эм къууандырырла, эм кёз ачарла. Хо, бу аламны барлыкъларыны саны бла, эм бу уллу аламны китабыны харифлерини саны бла барлыгъына шагъатлыкъ эткен, эм бютюн джанланы джумушакълыгъы, рахматы, бирбирине болушлугъу, эм игиликлерини, ашхылыкъларыны саныча рахматыны кёргюзген патауала шагъатчыдыла; бизге Рахим, Керим, Энис, Ведут болгъан Джаратханыбызны (Халикъыбызны), Саниибизни, Хамимизни эшигини кёргюзедиле. Ол эшикде эм къабыл шапагъатчы къарыусузлукъ бла кючсюзлюкдю. Эм кючсюзлюк бла къарыусузлукъну тамам заманы да къартлыкъды. Быллай бир эшикге къабыл бир шапагъатчы болгъан къартлыкъдан ёпкелиу тюйюл, сюерге керекди...

 

*      *      *

 

        Кесими саным болджалды, бу болджалладан менге не хайыр келаллыкъды. Мен кючсюз эсем, бу кючсюзледен не сакъларгъа боллукъду... Мени ачыуума мадар табарыкъ бир Бакъы, эм Сермеди болгъан Къадири- Эзели керекди.

*      *      *

 

        Къысхасы бла: Ёлюм, айырылыу тюйюл къошулууду, тюбешиудю; джер ауштурууду, ёлюмсюз бир кегетни баш бергениди.

 

*      *      *

 

        Эв кема кал- магъанасындагъы хадисни сагъыш этигиз. Ол деген: “Джаш адамларгъызны эм игиси тынгылыкъда, эм хаулеликден узакъ болууда къартлагъа ошагъанладыла. Къартларыгъызны да эм аманы хаулеликде, эм башыны имансызлыкъгъа сугъууда джаш адамлагъа ошагъанладыла.”

        Эй къарт къарнашларым бла къарт эгечлерим! Сыйлы Хадисде барды: “Алтмыш, джетмиш джылларында къарт бир муслиман, Аллахха къолуну кёлтюрюб дуа эткени заман, Аллахны рахматы аны къолуну бош къайтарыргъа уялады.” Энди рахмат сизге быллай хурмет эте эсе... сиз да рахматны бу хурметине, къуллугъугъуз бла хурмет этигиз.